Sesorah

       Sesorah inggih menika pangandikan ing sangajengipun tiyang kathah kanthi mbabar parkawis tartentu. Jinising sesorah yaiku:

• Sesorah Kanthi Teks

        Sesorah kanthi teks inggih menika sesorah kanthi maos teks lan pangandikanipun sami kaliyan teks

• Sesorah Kanthi Ekstemporan

        Sesorah kanthi ekstemporan inggih menika sesorah kanthi ngasta cathetan alit ingkang wosipun galihing sesorah satemah pirembagan boten uwal-uwal

• Sesorah Kanthi Impromptu

        Sesorah kanthi impromptu inggih menika sesorah ingkang boten kanyana-nyana saderengipun, pramila asring dipun ginakaken dhumateng winasis

• Sesorah Kanthi Apalan

        Sesorah kanthi apalan inggih menika sesorah kanthi ngapalaken naskah ingkang sampun dipun damel

    Patrap ingkang kedah dipun singkiri nalika sesorah yaiku:

• Celekan
• Mbesengut
• Mboten gatosaken ingkang mirengaken
• Ingkan dipun aturakan mencle saking topik
• Kukur-kukur
• Tolah-toleh
• Ngguya-Ngguyu
• Ndingkluk terus
• Astane mlebet saku
• Sesorah sinambi dhahar utawi ngunjuk

    Ingkang kedah dipun gatosaken nalika sesorah yaiku:

• Wicara

        Wicara inggih menika pocapan kedah cetha, contonipun saged mbedakaken 'd' lan 'dh' utawi 't' lan 'th'. Pamilihing tembung utawi basa ugi kedah trep

• Wirama

        Saged ngatur wiramaning swanten, andhap inggiling swanten, lirih soranipun, alon cepetipun swanten supados mboten kados tiyang maos

• Wirasa

        Saged nyuraos menapa ingkang dipun ngendikakaken nalika sesorah

• Wiraga

        Saged nyocogaken obahing sarira ingkang luwes lan mboten kaku

• Busana

        Ageman kedah jumbuh kaliyan swasana

    Perangan Sesorah yaiku:

• Salam Pambuka(salam/sapa aruhing wiwitan)
• Atur Pakurmatan(ngaturaken pakurmatan dhumateng para rawuh)
• Atur Puji Syukur(ngaturaken pamuji dhumateng Gusti Allah)
• Wosing Sesorah/Isi(wosing gati parkawis ingkang dipunbabar)
• Dudutan/Simpulan(saripatining wosing gati lan pengaruh)
• Panutup(atur panapunten lan matur nuwun)
• Salam Panutup